أستاذ صحة أغذية – معهد صحة الحيوان – مركز البحوث الزراعية – مصر
لكلي نقضي عيد أضحي سعيد و خفيف على معدتنا و جسمنا خلينا نشجع بعض و نطبق هذه الخطوات الهامة:
- خلينا نبدأ يوم العيد بفطار خفيف إستعدادا للفتة و الرقاق .
- بلاش أقوم الصبح على سندوتشات الكبدة و الأكل التقيل مرة واحدة.
- بالنسبة للحمة يفضل إني أشيل منها الدهون قبل الطهي و أقطعها قطع متوسطة الحجم عشان تستوي بشكل كويس.
- تجنب تماما إستخدام التحمير والقلي في الزيت لتحضير الأكل..و طبعا زي ما بنأكد دايما إن أفضل طرق الطهي هي السلق و الشوي في الفرن .
- فكرة إن عيد الأضحى هو عيد اللحمة وإن الواحد يكتر من أكل اللحوم بشكل مبالغ فيه ،
- فكرة إننا نفطر و نتغدى و نتعشى لحمة بأصنافها المختلفة ، دي فكرة غلط وليها عواقب متعبة جدا للجسم . عشان كدا الإعتدال في الأكل مهم جدا.
- بما إن العيد هو وقت العزايم و لمة العيلة فياريت وقت الأكل تخصص لنفسك طبقك الخاص عشان تعرف تتحكم في كميات الأكل المناسبة.
- طبعا مش هوصيكم بطبق السلطة جنب الفتة و الرقاق ، واللي هيساعدنا جدا في هضم الأكل وتجنب عسر الهضم و الإمساء.
- ضرورة الإكثار على قد ما نقدر من شرب الماء و السوائل المفيدة زي العصائر الفريش و بلاش المياة الغازية.
- خلينا نستبدل أكل الحلويات في العيد بالفواكه .. و يا سلام لو أكلت ثمرة الفاكهة قبل الوجبات ولو ب ١٠ دقايق هتحسن من الهضم جدا..
انبسطو و استمتعو بالعيد
كل سنة و حضراتكم بالف خير
و دمتم في صحة وسلامة
تحياتي
